日韓泰外遊平嘆5星級剪髮 15蚊起又食又剪 　　

厭倦在港剪髮？不妨仿傚一班80、90後專程飛到日韓台，甚至澳洲、泰國、緬甸、馬來西亞來個「大變身」，最重要能體驗當地文化及服務，有過來人笑言：「畀同樣價錢，點解唔選擇皇帝級享受？」

30歲的yoyowing在澳洲參加工作假期後，浪遊過泰國、緬甸、馬來西亞、台灣等地：

第一次喺台灣剪髮，先知他們會坐着洗頭又會按摩，自此決定每到一個新地方都體驗剪髮文化。

▲ yoyowing表示，在緬甸剪髮跟香港的60元速剪的質素一樣。（受訪者提供照片）

他說，緬甸跟泰國感覺類似，理髮店跟上海幾乎一樣

泰國那次是在多功能理髮椅上剃鬚、面毛、耳毛，真係估佢唔到，都係收15蚊港幣。

要說最「潮」，是在台東對出的蘭嶼島剪了一個「蘭嶼頭」，他笑言，第一次在頭上剃波浪圖案，「好彩當地無人識我！」

▲ yoyowing表示，朋友都大讚蘭嶼頭夠型，表示要到當地體驗。（受訪者提供照片）

不少港女哈韓，不論日用品、食物、化粧品都要用韓國出品，90後Mira半年前移居韓國，經常光顧首爾弘大、梨大的理髮店，

一入到去職員會送上飲品，剪完再洗，跟香港相反，剪的過程中又可以隨時改剪法，唔似香港，若改變剪法會被髮型師鬧！

她指，近月多了香港女生向她查詢韓國剪髮的詳情：「興咩髮型、點用韓文溝通、幾錢等！」

同樣是韓迷的27歲加加表示，在當地剪髮約200港元，服務、態度均比香港優勝；而哈日族Osa亦同意，在外地理髮獲得的服務比香港好：

畀同樣價錢，點解唔選擇皇帝級享受？

在日本參加工作假期時，Osa已常在當地剪髮、染髮：

最初唔識日文，職員好樂意用app繙譯，又會用iPad畀你揀髮型。

她表示，東京、大阪地區剪髮連染髮約500港元，或比香港便宜，且基本上所有理髮店都會為客人送上飲品、餅乾或糖，洗頭時會以紗布輕蓋臉上，免弄濕粧容。

泰國或許予人落後的感覺，但事實已非如此。「泰國通」港人胡慧沖在當地生活多年，說得上試盡各式各樣理髮店，他說，曼谷有不少「潮」髮店，以懷舊美式頭為主，較出名的Salon「NEVER SAY CUTZ」，近年分店愈開愈多，男士剪髮只需350銖（約80港元），店內裝修光鮮整潔：

清邁店更有蛋糕、飲品售賣，真係又食又剪！

▲ NEVER SAY CUTZ絕對追得上潮流，髮型師時裝打扮，媲美日本潮流達人。（泰友營網片圖片）

▲ 泰國最新的髮型絕對追得上潮流，在頭上剃出不同圖案。（泰友營網片圖片）

【其他熱話】外傭疑fb直播出浴及阿婆如廁　家人報警

【其他熱話】疑被蟲咬爆發含膿水泡 OL手指被咬腫到腋下

【其他熱話】郊遊遇蟲襲勿拍打 小心毒汁感染傷口